ບໍລິສັດ ຈະເລີນເຊກອງ ພະລັງງານ ຈຳກັດ ມອບເງິນຊ່ວຍເຫຼືອຜູ້ປະສົບໄພນໍ້າຖ້ວມ 4 ແຂວງພາກໃຕ້

ໃນຕອນບ່າຍຂອງ ວັນທີ 05 ກັນຍາ 2019, ທີ່ ຫ້ອງວ່າການ ສຳນັກງານນາຍົກລັດຖະມົນຕີ ບໍລິສັດ ຈະເລີນເຊກອງ ພະລັງງານ ຈຳກັດ ນຳໂດຍທ່ານ ຈັນທະຫນອມ ພົມມະນີ ປະທານບໍລິສັດ ພ້ອມດ້ວຍຄະນະ ໄດ້ນຳເອົາເງິນຈຳນວນ 2 ຕື້ກີບ ໄປມອບໃຫ້ແກ່ລັດຖະບານ ແຫ່ງ ສປປ ລາວ ເພື່ອ​ນຳ­ໄປ​ຊ່ວຍເຫຼືອ​ບັນ­ເທົາ​ທຸກ​ຜູ້ທີ່​ໄດ້​ຮັບ​ຜົນ​ກະ­ທົບ​ຈາກ​ໄພ­ນໍ້າ​ຖ້ວມ ຢູ່ 4 ແຂວງພາກໃຕ້. ໃນພິທີ ໄດ້ກ່າວມອບ​ໂດຍ​ ທ່ານ ຈັນທະໜອມ ພົມມະນີ ປະທານ ບໍລິສັດ ຈະເລີນເຊກອງ ພະລັງງານ ຈຳກັດ ແລະ ໃຫ້ກຽດກ່າວຮັບ​ໂດຍ​ພະນະທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ.